關關難過關關過！

今個4月真係幾累，一份接一份的功課，2科一d頭緒都冇的功課，結果都係最後一日可以叫做順利完成，真係要多謝各方好友的支持、幫忙，特別鳴謝Cathy、Sydney、師兄、Mandy(數少左唔好怪我...哈哈)一向以來，我的英文listening、oral都唔得，衰d講句，真係又聾又啞，係睇同埋寫叫做好少少，所以上呢2科真係幾難....特別係黑鬼哥哥.....好彩最後都完成了2份assignment，而且MA的supplementary assignment都順利pass，多謝大家的幫忙！

公司方面，4月真係一個過山車的月份！月頭，公司比左一個的數字比大家，其實話易唔易，話難唔難，真係幾有挑戰性，起初真係幾難做，可以話係一步一驚心！ 不過我都盡自己的努力去做！做成與否，問心無愧！新的計劃可以話係好壞參半，易做了，但$$少了一半，直接打擊員工士氣！唔做新plan，競爭力又不足....真係雞肋是也！

半紅不黑的過了4月接近尾星，縱使我如何的不如意，總有妳的支持及鼓勵，森深相信，只要肯努力，灰色的日子總會過去了，我地大家一齊努力啦！

回鄉記

4月12日星期六，番左鄉下拜山、探病，已經有1年多無番鄉下了，依家咩都現代化了很多，真係要咩都有！

但總有一點點的鄉土風味！

梨仔！阿哥話好甜呀！

鵝呀！正呀，好味道的呀！

好似係荔枝樹呢！

百年古樹一棵！

唔信﹖有牌為證呀！

到處都有果實呀！

小甲蟲一隻！

好多好多果實呀！

木瓜超大個呀！成個冬瓜甘大！

香港已經好少有的菜田呢！

成塊都係蒜頭田！

呢d就係荔枝花呀！好快就有荔枝食啦！

臭屁蟲呀.........唔好搞佢呀！

大宅天井！好光猛呀！

不知名界碑一塊！

古舊村屋一間！已經越來越少了！

我地仲係用呢d爐灶烹調呢！

門口就係甘樣啦！                         

享受工作

如果每日工作都叫苦，你的生活一定很難過，倒不如欣賞妳的工作！享受你的工作！

某日去左屯門大興附近見客人，路過大興村的花海呢！

青衣城赤丸製麵所~一試驚喜！

第一次試，本身都冇咩期望

原來都有好多唔同既拉麵、飯同烏冬食！

調味料自由添加

叫了小食炸雞翼~好香脆呀，少少辣辣地，好正呀！

煎餃子有肉汁，唔會乾爭爭！

主食來了！我叫左滑蛋吉烈豬扒，好味！

豬扒好鬆軟，好厚身，又滑！

另外她叫左雞扒湯烏冬！

2個人叫左甘多野食，加埋野飲都係100蚊鬆d，唔係貴，味道好好，最緊要係唔係點掛隊呢！

粉嶺日式午餐

4月初一天，早上去了北區見客，之後差唔多到lunch時間，梗係約人食飯啦！結果去左粉嶺中心地下食日本野，lunch都係3x-4x一個set，唔係貴，不過d質素就麻麻地啦！

我叫了個牛仔骨set

友人就叫左餃子雞翼拉麵，不過味精好勁！

下次我地都係去第2間食好d！

金倉日本料理~水準午餐！

今朝去左紅磡見客，見完客就到lunch hour，去左祟潔街 12 號地下金倉日本料理食lunch，見佢set lunch有A-J甘多款，都只係31-40蚊，又唔係太貴，所以就入左去了！

由於時間尚早，所以未有太多人

地方雖然細，但環境都唔錯的！

我ORDER了什錦剌身定食($38)！加左5蚊多左個花之卷！正呀！

有5種刺身，每款2片！

好新鮮，好好味，埋單冇加一都只係$43蚊！已經有甘多野食了！抵呀！

伯娘~怎麼捨得妳﹖

一個由細睇到我大的親人，依家已經94歲了，近日身體一直轉差，而且已經入了東莞人民醫院了，國內的親戚說她已經"冇可能出得番來了！"你由我細細個，睇到我大，每次回鄉，都會同你傾計、探望你，仲記得你80多歲仲"中氣十足"、記憶力超強呢！4月12日星期六，我地一家人相約好到醫院探望妳，希望這不是曼後一次吧！祝福妳可以康復過來，繼續同我地說笑呢！

撐住呀！我地會支持妳的！

The cycle of success / failure! 

加人工，未有望，真的打擊了士氣，如果一直沒有提及加人工則還好過，但說好了3月加人工，但沒有我的份兒，真的影響了我的士氣，從前朋友曾經講過：sales一半的人工係比你做野，另一半的人工係比你因為你受氣，真的無錯！受上司的氣，受客人的氣等等，sales的賺回來的一分一毫，真的是"皮肉錢"，並不易賺！

The cycle of failure

如果一間公司係低人工、福利> 加上少training>員工就會唔專業、冇成功感>員人成日轉、服務水平低>客人流失率高、平均消費低>公司利潤低>公司的人力資源support少>低人工.... 不停不停的循環

 相反的話就係The cycle of success

對同事好d、人工福利好d、多d training>員工就專業、有歸屬感>lotalty提升>service standard提升>客人流失率低、平均消費轉各高>公司利潤高>公司的人力資源support增加>提高人工.... 不停不停的循環

大家想要邊個cycle?就你自己決定！